रेव पार्टी (लावणी)

[बाळासाहेब तानवडे]

रेव पार्टी
(लावणी)
ती: टेनटी फोर सेवन कामाचं आलं बाई फॅड.
जादा पैक्यापाई झाल्यात आता समदीच मॅड.
सीसीडी अन् बरिस्त्यात रंगत्यात गप्पांच  फड.
मी म्हणती जाईन पर दाजीबाच अडतंय घोड.

कोरस:काम लई झालं बाई आता इक एंड आला.
लवकर चला बाई आता बिगी-बिगी चला.
पोर चालल्यात धमाल  रेव पार्टीला.
ती: सख्या चल , राया चल जाऊ अपुनबी त्या रेव  पार्टीला || धृ ||

पोरा – पोरींच फेसबुक असतंय.
टीवटर आणि आर्कुटबी असतंय.
म्हण तेच्यावर गुलूगुलू करत्यात.
रेव पार्टीला जागी एका जमत्यात.
धूम धमाल असते मौज मस्तीला.
सख्या चल , राया चल जाऊ अपुनबी त्या रेव  पार्टीला||१||

कोरस: काम लई झालं बाई आता इक एंड आला.
लवकर चला बाई आता बिगी-बिगी चला,
पोर चालल्यात धमाल  रेव पार्टीला.

ती: हातामंदी हे हात कीव धरू.
डोळ्यामंदी हे डोळ कीव भरू.
डान्स धमाल डिस्को करू.
पार्टीमंदी त्या खान-पिणं करू.
नसल हद्द त्या मादक धुंदीला.
सख्या चल , राया चल जाऊ अपुनबी त्या रेव  पार्टीला||२||

कोरस: काम लई झालं बाई आता इक एंड आला.
लवकर चला बाई आता बिगी-बिगी चला,
पोर चालल्यात धमाल  रेव पार्टीला.

शाहीर : बाळासाहेब तानवडे
© बाळासाहेब तानवडे – २२/०८/२०११
http://marathikavitablt.blogspot.com/
http://hindikavitablt.blogspot.com/
   

[केदार मेहेंदळे]

mast lavni...... modern lavni.....

[बाळासाहेब तानवडे]

केदार.
उत्कृष्ठ अभिप्रायाबद्दल खुप धन्यवाद.

[बाळासाहेब तानवडे]

Dear Mr. Tage

"पावन ,अभिप्रायाच असच फेट उडवीत जावा. आमालाबी मग लिवायला हुरूप येतो वो"
 
अभिप्रायाबद्दल खुप आभार.